- Target:
- Armenians WorldWide
- Region:
- GLOBAL
- Website:
- www.hayary.org
Բաց նամակ ՀՀ նախագահին, ՀՀ սփյուռքի նախարարին
եւ ՀՀ ԳԱԱ նախագահությանը
Խմբ. կողմից - Ցանկացողները կարող են իրենց ստորագրություններն ավելացնել սույն պահանջագրի տակ նաև ՝ ներկայանալով խմբագրություն կամ ՀԱՄ-ի գրասենյակ կամ ստորագրելով ՀԱՄ-ի կայքէջում տեղադրված սույն գրության տակ:
"Լուսանցք ", 22 (108), 2009թ.
Հարգարժան տիկնայք եւ պարոնայք,
Ձեզ հայտնի է, որ հակագիտական եւ հակահայկական հայագիտության վերաբերյալ ՀՀ ԳԱԱ հումանիտար բաժանմունքը ս. թ. ապրիլի 7-ին ընդունել է համապատասխան կարծիք-որոշում։ Նույն բաժանմունքը, հաշվի առնելով ինչ-ինչ հանգամանքներ, ավելի ճիշտ՝ արտասահմանյան հզոր ճնշման տակ որոշել է վերախմբագրել կարծիք-որոշումը՝ այդ նպատակով իր անդամներից կազմելով 5 հոգանոց խմբագրման հանձնաժողով՝ ակադեմիկոս Համլետ Գեւորգյանի ղեկավարությամբ։
Վերջինս փոխանակ կատարելու իր ստանձնած պարտավորությունը, բաժանմունքի՝ այդ կեղծ-գիտական ու հակահայկական հայագիտության արտասահմանցի բազմաթիվ ներկայացուցիչների մասնակցությամբ կայացած ապրիլի 23-ի նիստում ցուցադրաբար ստորագրեց վերջիններիս՝ իբրեւ թե գիտական կարծիքի եւ խոսքի ազատության անհրաժեշտությունը պահանջող հանրագիրը:
Այսուհանդերձ, հույս ունեինք, թե պրն Գեւորգյանը կկատարի իր գործը եւ կխմբագրի բաժանմունքի որոշումը, որը կհրապարակվի՝ ի լուր հանրության թե՛ ՀՀ-ում եւ թե՛ արտասահմանում: Սակայն, անցել է ավելի քան երկու ամիս, բայց խմբագրված շարադրանքը չկա ու չկա՝ կարծեք դա պետական կամ ռազմական գաղտնիք պարունակեր: Պրն Գեւորգյանի այս "ծուլությունը " հիմք է տալիս հումանիտար բաժանմունքի պատասխանատու ակադ. Վլադիմիր Բարխուդարյանին՝ իրեն հատուկ լարախաղացությամբ ձգձգելու որոշման հրապարակումը։ Պրն Բարխուդարյանին ըստ էության դավադրակից են բաժանմունքի անդամներից մի քանիսը, որոնք երեսանց հանդես են գալիս որոշման հրապարակման պահանջով, սակայն իրականում ձգձգում են դրա հրապարակումը՝ դեպի առաջ փախուստ տալու միջոցով։
Հայտնելով մեր վճռականությունը այս որոշման հրապարակումը պահանջելու հարցում, դիմում ենք Ձեզ, որպեսզի ի գործ դնեք ՀՀ Սահմանադրությամբ, օրենքներով եւ ՀՀ ԳԱԱ կանոնադրությամբ ապահովագրված՝ մեր տեղեկացված լինելու սահմանադրական իրավունքը։ Հակառակ դեպքում, բոլոր հիմքերը կունենանք ենթադրելու, որ ճիշտ են պրն Բարխուդարյանի եւ ընկ. տարածած այն լուրերը, թե որոշման հրապարակումն իբր արգելում է ՀՀ նախագահական նստավայրը: Ըստ երեւույթին, դեռեւս գործում է "վաստակաշատ " Ռիչարդ Հովհաննիսյանի (եւ նմանների) հաթաթան մեր՝ այսպես կոչված գիտնականներին՝ կարծիք-որոշումը չտպագրելու առումով: Իսկ գուցե նման հաթաթա էլ կա մե՞ր իշխանություններին ԱՄՆ կառավարության կողմից:
Տիկնայք եւ պարոնայք,
Մեզ նման պահանջեք անհապաղ հրապարակել ՀՀ ԳԱԱ հումանիտար բաժանմունքի որոշումը։ Նորից ենք շեշտում՝ դա մեր սահմանադրական իրավունքն է։
Տեղեկացնենք մեր ընթերցողներին, որ Հայ ազգայնականների համախմբման (ՀԱՀ) մի շարք անդամներ շուրջ մեկուկես ամիս առաջ այս հարցով հանդիպել են նաեւ հումանիտար բաժանմունքի անդամ, ՀՀ ԳԱԱ պատմության ինսիտուտի տնօրեն Աշոտ Մելքոնյանին, ով խոստացել էր նրանց հնչեցնել այս հարցը եւ հասնել կարծիք-որոշման հրապարակմանը: Սակայն, որոշ ժամանակ անց ՀԱՀ խորհրդի անդամներին տեսնելիս նա սկսել է երգել մյուսների երգը՝ իբր խանգարում են իրեն աշխատել:
ՀԱՀ խորհուրդը տեղեկացնում է բոլոր այսպիսի գիտնականներին, որ հակահայկական քայլեր ձեռնարկելու կամ այդ քայլերը պարտակելու պարագայում իրապես խանգարելու է նրանց ոչ միայն աշխատել, այլեւ հանգիստ ապրել Հայաստանում եւ սփյուռքում: ՀԱՀ-ի համար բարձրագույն արժեքը ազգն ու հայրենիքն են, իսկ նման՝ արդեն գիտնականիկներ միշտ էլ կիլոներով խոտան ենք տվել:
Հայ արիական միաբանություն
Հայ ազգայնականների համախմբում
"Լուսանցք "-ի խմբագրություն
7 տասնյակից ավելի ստորագրություններ ՀՀ-ից եւ արտերկրից
You can further help this campaign by sponsoring it
The հակագիտական եւ հակահայկական հայագիտության վերաբերյալ petition to Armenians WorldWide was written by ArmenianNation and is in the category Education at GoPetition.