IDEJA JOTE PËR ÇAIR MË TË BUKUR

Kush është Visar Ganiu

Visar Ganiu ka lindur më 18.07.1978, në Shkup. Ai rrjedh nga një familje e njohur intelektualësh të cilët punonin si mësimdhënës dhe tërë jetën e tyre ua kushtuan edukimit dhe arsimimit të gjeneratave të reja dhe dhanë kontributin e pashoq në edukimin e fëmijëve të lagjes së Gazi Babës.

Visar Ganiu është bashkëshort dhe baba i tre fëmijëve.

Dr. Sc. i Kineziologjisë i cili ka ligjëruar në Fakultetin e Edukatës Fizike, në USHT.

Përveç gjuhës amtare shqipe, Visari flet gjuhën angleze, serbo-kroate dhe maqedone.

Njihet si trajner i sukses’shëm i cili pa u kursyer punoi me futbollistët e gjeneratave të reja dhe me ekipin e parë të FC Shkupit.

Është ndër aktivistët e parë të BDI-së, që nga viti 2002 ku edhe u zgjodh si kryetar i forumit rinor të degës së Çairit, ndërsa pastaj u zgjodh anëtar i kryesisë qëndrore të BDI-së.

Prof.dr. Visar Ganiu, kandidati për kryetar komune nga rradhët e BDI-së, është një figurë mjaft e njohur për popullatën e Çairit dhe më gjërë, por edhe një personalitet i dëshmuar në skenën politike, punëtor i palodhshëm në të gjitha sferat ku ai ka vepruar.

Ganiu, ushtroi detyrën e zv. Ministrit deri në momentin kur e shpalli zyrtarisht kandidaturën e tij për kryetar të komunës nga rradhët e BDI-së, Dega e Çairit.