Ikonserbar ang Tubig sa Siyudad sa Sugbo!

Ang lalawigan sa Sugbo, ang usa sa mga lugar diin gikusokuso sa pinaka-kusog nga bagyo nga naitala sa tibuok kalibutan nga mikalas og liboan ka mga kinabuhi ug miguba sa agrikultura ug inprastraktura, ang bagyong Yolanda. Lakip sa mga hilabihang naapektahan sa maong bagyo ang atong mga kaigsuonan sa amihanang bahin sa lalawigan nga nakasinati sa kabagsik sa maong bagyo. Nangatumba ang mga kahoy ug nangaguba ang ilang mga kabalayan sa usa lamang ka-idlap sa ilang mga mata.

Ang bagyong Yolanda gibana-bana nga nibilin og 31.13 bilyon ka pesos nga danyos. Ang maong makusog nga bagyo gikatahong resulta sa pagdayong pagkaguba sa atong kalibutan ug epekto sa “climate change”. Ang atong padayong pag-abuso sa kinaiyahan nihinay-hinay sa pagsumbalik kanato pina-agi niining nagkadaiyang mga kalamidad. Ang tumang kainit nga hilabihang kasakit sa panit ug ang lahi nga kabugnaw usa lamang sa daghang timailhan nga hinay-hinay na nga nahanas ang atong kinaiyahan.

Niadtong nikusokuso ang bagyong Yolanda dinhi sa Sugbo pipila ka mga lugar ang nakasinati sa kakuwang sa tubig. Aron adunay magamit ang mga katawhan, sila gihatagan og rasyon sa tubig pinaagi sa mga firetrucks. Kadto usa lamang sa mga ehemplo nga madugay og sa dili magkanihit na gyud ang suplay sa tubig sa atong lalawigan ug dakbayan. Ang mga tubod sa tubig hinayhinay ng nihubas. Gikataho usab nga hinay-hinay ng nasudlan og tubig sa dagat ang atong tinubdan sa tubig tungod sa sobrang pagkuha ug tubig gikan sa ilalum sa yuta.